’n Lewensveranderende Verhouding met die Lewende God
Ons moet ons oortuiging versterk oor wie Jesus Christus werklik is – die Weg, die Waarheid en die Lewe, in die mees verhewe sin van die woord. Hy is die vleesgeworde Woord, die Verlosser van die wêreld, die Heiligmaker van sy dissipels, en die Regter voor wie elke knie sal buig. Wandel jy in sy voetstappe, volg jy die leiding van sy Heilige Gees, en het jy vrymoedigheid om voor sy regterstoel rekenskap van jou lewe te gee? Hy roep ons op tot ’n nuwe oorgawe van gehoorsaamheid terwyl ons voorberei om die uitdagings van ’n nuwe jaar te aanvaar.